ہر بات پر یہ 'میرا، تمہارا' نہ کیجئے

غزل (محمد اسامہ شاہد )

آکر ہمارے گھر میں پُکارا نہ کیجئے

سب پاس ہوں تو کوئی اشارہ نہ کیجئے 

ہیں اور بھی طریق بُلانے کے واسطے 
لینا ہمارا نام، خدارا نہ کیجئے 

جادو تو ذاتِ زُلف میں ہوتا نہیں مگر
اُنگلی سے اس کو آپ سنوارا نہ کیجئے

'اپنا' زبان پر اگر آتا نہیں تو پھر 
ہر بات پر یہ 'میرا، تمہارا' نہ کیجئے

'شاہد' حصولِ زندگی پوچھے اگر کوئی 
کہنا، کسی سے پیار دوبارہ نہ کیجئے