وہ دل ہے کونسا کہ جلایا نہیں گیا

جلتا ہوا دل

 وہ دل ہے کونسا کہ جلایا نہیں گیا

وعدہ وفا کا اس سے نبھایا نہیں گیا

یہ بار اس کلی سے اٹھایا نہیں گیا

لوگوں سے کہہ رہے ہیں کہ ہم ہی نہ جا سکے

گو بات ہے یہی کہ بلایا نہیں گیا

دیکھا انھیں وہ خوش تھے بہت اپنی بزم میں

تو ہم سے دل کا حال سنایا نہیں گیا

جوشِ بہار دیکھ کے اتنی خوشی ہوئی

نغمہ بھی عندلیب سے گایا نہیں گیا

عاشق وہ کونسا ہے کہ رسوا نہیں ہوا

وہ دل ہے کونسا کہ جلایا نہیں گیا

جو آیا اس گلی میں وہ بس خوار ہی ہوا

مسند پہ یاں کسی کو بٹھایا نہیں گیا

کوشش تو خوب کی تھی مگر رائیگاں گئی

چہرہ وہ شان ہم سے بھلایا نہیں گیا

(ذیشان لاشاری  )